အရိပ်မဲ့ပြဇာတ်

ခဏလောက်ပျောက်သွားတဲ့အရိပ်အတွက်ပဲ ကျနော့်အသက်ကို ငင်ငင်နေရတယ်။ တစိမ့်စိမ့်ယိုစီးကျနေတဲ့ ချွေးစက်တွေနဲ့ ဘယ်တုန်းကမှ မထွက်ဖြစ်တော့တဲ့ မျက်ရည်တွေပေါ့၊ သူတို့ ဒီနေ့ အချိန်းအချက်လုပ်ထားကြသတဲ့။ အများကိုပြဖို့လိုတဲ့ မျက်နှာကိုတော့ လက်တစ်ဖက်နဲ့ ဖြတ်ခနဲ ဆွဲသုတ်လိုက်တယ်။ ကြွင်းကျန်ရစ်တဲ့ အရေပြားပေါ်က အစအနတွေက အတူထားရှိခဲ့ကြဖူးတဲ့ အိပ်မက်တွေပါပဲ။ တခါတခါ အတူတူငေးမောကြည့်ခဲ့ရတဲ့ တိမ်တိုက်တွေပဲပေါ့၊ ဟိုးအဝေးတနေရာရာမှာ သွားပြီးရွာချနေတယ်။

လွမ်းလွမ်းနဲ့မောမောပဲ ကိုယ့်ရဲ့နေ့စဉ်ဘဝကို ပွတ်သပ်မွေးမြူထားရတယ်။ မစီးဖြစ်တော့တဲ့ လေယာဉ်တွေကိုလည်း စက္ကူနဲ့ခေါက်ထားသလိုစိတ်နဲ့ပဲ ဝေးလေကောင်းလေ ပစ်ပစ်ထုတ်နေရတယ်။ ကျန်နေရစ်တဲ့ မီးခိုးတန်းကပဲ ကိုယ့်ဘဝရဲ့ စိတ်ကူးတိမ်တိုက်လိုမျိုး ကိုယ့်ဘဝကို ဝံ့ကြွားစိတ်အပြည့်နဲ့ ကိုယ်ကိုယ်တိုင်မီးရှို့ပစ်လိုက်တယ်။

ဟေး၊ ဘယ်နှစ်ခါမြောက်ပွင့်တဲ့ပန်းက ငါ့ပန်းအိုးအတွက်လဲ။
စိုက်ပျိုးထားတဲ့အတိုင်းရိတ်သိမ်းရမယ်ဆိုတာ မင်းကြားဖူးလား။
ဘဝတစ်ခုလုံးထည့်ပြီးထားတာတောင် ပန်းတစ်ပွင့်မရတဲ့ စိုက်ခင်းကြီးမှာ ငါက ဘာကို ပစ်ပစ်ချနေမိတာပါလိမ့်။

သူ မမြင်နိုင်တော့ဘူး၊ သူ မကြားနိုင်တော့ဘူး၊ သူ မဖတ်နိုင်တော့ဘူး။

ငါတို့က ဒေါသတကြီးနဲ့ရှင်သန်ခဲ့ကြရုံပါပဲ။ ထွက်သွားတဲ့အရိပ်ကိုတောင်မှ ကောင်းသောနေ့ပါလို့ ဟန်ဆောင်နှုတ်ဆက်ပေးနေရတဲ့ ပြဇာတ်ကိုး။ အခါခါသေတယ်ပြောဖို့တောင် တခါမှ ရှင်မနေခဲ့ဖူးဘူး။

ခရမ်းသစ်အိမ်

Comments

Privacy policy

Privacy Policy Kayen Thit Ein built the ခရမ်းသစ်အိမ် စာအုပ်များ app as a Free app. This SERVICE is provided by Kayen Thit Ein at no cost and is intended for use as is. This page is used to inform visitors regarding my policies with the collection, use, and disclosure of Personal Information if anyone decided to use my Service. If you choose to use my Service, then you agree to the collection and use of information in relation to this policy. The Personal Information that I collect is used for providing and improving the Service. I will not use or share your information with anyone except as described in this Privacy Policy. The terms used in this Privacy Policy have the same meanings as in our Terms and Conditions, which are accessible at Rango unless otherwise defined in this Privacy Policy. Information Collection and Use For a better experience, while using our Service, I may require you to provide us with certain personally identifiable information, including but not limited to andr...

ဒွန်ကွီဟိုတေး ဘာသာပြန်အကြောင်း

၂၀၁၀ နဲ့ ၁၁ မှာ နတ်ရေကန်ဆိုတဲ့ နာမည်လှလှနဲ့ တောထဲမှာ တနှစ်လောက်နေခဲ့ဖူးတယ်။ မီးမရ ဖုန်းမရ ရွာတွေနဲ့တောင် အလှမ်းဝေးတဲ့ လက်ဖက်စိုက်ခင်းပေါ့။ ဘဘဗိုလ်ချုပ်ကြီးရဲ့ ရွှေဉာဏ်တော် စူးရောက်စွာနဲ့ လက်ဖက်စိုက်ခိုင်းတဲ့ ဒေသမှာ သစ်ကုမ္ပဏီတွေပေါင်းပြီး စိုက်ပြတဲ့နေရာပဲ။ မကွေးတိုင်းထဲမှာ ရှိပြီးတော့ ရခိုင်နဲ့နယ်စပ်၊ အနားမှာ နေကြတဲ့ရွာတွေက ချင်းရွာတွေဆိုတာက အဲဒီတုန်းက ကျနော့်အတွက် အတော်လေးကို ဆက်စပ်ကြည့်ခဲ့ရတဲ့အရာတွေပဲ။ အမှတ်တရရှိခဲ့ရတာတွေထဲကတချို့ကတော့ ခင်စရာကောင်းတဲ့သူတွေနဲ့ ခေါင်းကြီး ငါးလက်မလောက်ကွဲနေတာကို တစက်ကလေးမှ မငိုတဲ့ ကလေးပေါက်စကို ချုပ်ပေးခဲ့ရတာတွေပဲ။ မိုးရွာပြီဆိုရင်လည်း သည်းကြီးမည်းကြီးကို အကြာကြီးရွာနေတာက အထူးအဆန်းပဲ။ အဲဒီလိုနေရာမှာ ကျန်းကျန်းမာမာနဲ့အလုပ်လာလုပ်ကြတဲ့သူတွေချည်းပဲ တရာလောင်လေးပဲရှိတာကို ဆေးခန်းထိုင်ပေးရတာဆိုတော့ အချိန်တွေက အပိုချည်းပဲလို့ ပြောလို့ရတယ်။ အဲဒါနဲ့ပဲ ဘာသာပြန်ကြည့်မယ် အင်္ဂလိပ်စာလည်း တိုးတက်တာပေါ့ဆိုပြီး စစမ်းကြည့်တယ်။ ပထမဆုံးကတော့ ရှားရှားပါးပါးရထားတဲ့ စာအုပ်လေးတအုပ်ကို ပြန်ကြည့်တာပဲ။ အဆုံးမသတ်ပါဘူး။ ဝတ္ထုကလည်း နာမည်ကြီးမဟုတ်ဘဲ အပျော်ဖတ်မျိုးမျိုးသာသာပဲဖြစ်မယ် ထ...

ကျောင်းခေါင်မိုးက ဝင်လာတဲ့ နေပြောက်တွေ

ဟိုမှာပေါ့ ခေါင်မိုးပေါက်က နေပြောက်လေး။ ကျွန်တော် မင်သက်ပြီး ငေးမောနေမိတယ်။ ဒါဟာ ဘုရားသခင်က လှမ်းထိုးလိုက်တဲ့ မီးရောင်လေးပဲလားမသိ၊ ကျွန်တော်တို့ ကြောင်တွေလို လိုက်ပြေးဖမ်းမိကြတော့မယ်လေ။ ဒါမှမဟုတ်လည်း နေပြောက်ကို ကောက်စားဖို့လုပ်နေတဲ့ ကြက်မတစ်ကောင်ပေါ့။ ကျွန်တော် ငယ်ငယ်တုန်းကလို ပြေးဖမ်းလိုက်ချင်မိသေးတယ်။ အဲဒီအထဲမှာ ပြန်မတွေ့ဖြစ်တော့တဲ့ သူငယ်ချင်းတွေနဲ့ နေ့ရက်အဟောင်းတွေလည်း ပါနေတယ်လို့ ကျွန်တော့်မသိစိတ်က တိုးတိုးတိတ်တိတ်လာပြောပြနေတယ်။ ဒါဟာ ကျွန်တော်တို့ လိုက်ပြီးဖမ်းခဲ့ဖူးတဲ့ နုပျိုသော နေရောင်ခြည်တွေပဲပေါ့။ တဖြည်းဖြည်းလား ရုတ်တရက်လားမသိလိုက်နိုင်တဲ့ အချိန်အတိုင်းအတာကာလလေးတစ်ခုမှာ အဲဒီနေပြောက်ကလေးက သူ့ကိုယ်သူ ချဲ့ကားပစ်လိုက်ပုံမျိုးပဲ။ ခေါင်မိုးပေါက်က ခုန်ဆင်းရောက်လာတယ်။ ဒါဟာ ကြီးရင့်သွားပြီဖြစ်တဲ့ နေရောင်ခြည်တွေဖြစ်မှာပေါ့။ ကျွန်တော့် သူငယ်ချင်းတစ်ယောက်ယောက်တော့ ပါလာမယ်လေ။ ချဲ့ကားလာတဲ့နေရောင်ကြီးအောက်မှာ ပိုပြီးသေးငယ်သွားရတဲ့ ကျွန်တော်တို့ဘဝတွေပေါ့။ ကျွန်တော် ရယ်လိုက်မိသေးလားမသိလိုက်ဘူး။ ဒါပေမဲ့ ကျွန်တော့်စိတ်တွေက နှစ်အစိတ်လောက်က ကျောင်းဆောင်ကြီးထဲမှာ စာတွေအော်ဆိုနေမိပ...

Search This Blog